|
Mbanj coj gou seiz neix beij geij bi gonq bienq ndaej ndei lai lo , lengh lengh dwg ranz louz , doengz dangq vunz gou boux ceiq gungz cungj miz song caengz dox hwnj aen yangz louz .
Gangj daengz guh ranz fuenganq , caen dwg gyaeuj dot , gaiq dieg guh geij lai fungh cij ndaej guh caenh , fungh caeuq fungh baenz lawz baij , gan ranz cij ndei yawj youh ngamj seiq henz , guh fungh geij lai raez geij lai gvangq , aen louz mbaek lae baenz lawz cuengq , mbaeklae guh geij lai gvangq , daengx ranz vunz cungj lwnh , ceiq haeuh hawj boux daj veh haemq ak haenx veh hwnj gwnz ceij ,lai veh geij cungj fueng anq ,dox beij yawj caiq coih gaij , dingh aen fuenganq , cij dawz bae dag rau gaiq dieg guh dawz cik conq ! Yienz haeuh caiq dawz faenh doz lak veh haenx caiq yungh byauh cunj beijleih 1:100 veh baenz guh ranz louz daj caep aen doz ! Caiq guh suenq ndei aen ranz louz daixgaiq bae cienz . Miz aen doz yiengh guh ranz louz fuenganq haenx le , caiq ra boux vunz cien monz bae cujciz vunzgoeng gihgaiq caep aen de hwnj daeuj !
Seiz neix raeuz cingq caih doiq aen gaenq dingh ndei fueng anq caiq guh ceiq haeuh caemciek caem ciek ! Guh ranz dwg bak bi daih saeh ha !
 |
发表于 2005-9-18 10:53:00