[推荐]三林（田、隆、西）传统情歌(不怕……））

Sam cib bi goz caj,

haj cib bi goz deq ,

Deq daengz gyeq gyaeuj hau ,

Mbouj lau boh meh ndaq,

Mbouj lau saeq gaj dai.

Ciz bouxlawz saem gveux,

Heux saeh doek roengz ndang,

Guang nangz goz mbouj heiq ,

Raeuz banq(bad) eiq bae coh saeq,

Ciz saeq dawz bae gaj ,

Raeuz cienq naj roengz hoengz;

Ciz saeq dawz bae faenz,

Raeuz cienq laeng roengz raiq.

Song cax gaiq song iu(hoz),

Raeuz lij riu doengz coh.

gyaeujhoq lij doengz ing,

Byai din lij doengz Mbaenq.

Dungx saej myoenh sacienz,

Da lij lenz(yawj) lumj gaeuq,

Gvej rwz dangq gvej raet,

Daet gyaeuj dangq duet gaen.

Bok naeng dangq duet buh,

Naed lwed byoq bae mbwn ,

Dangswz fwn doek moenq.

Naed lwed byoq bae gyae ,

Dangqswz nae doek moenq.

Naed lwed byoq bae sang,

Song raeuz bienq ndaundeiq,

Ndaundeiq rongh doh bwengz,

Aen song raeuz rongh hingh.

很精典的桂边土语壮族山歌，山盟海誓的山歌对唱，严谨的韵脚，都让我感到很亲切