[原创寓言故事]猫和狗的故事Goj Duzmeuz Caeuq Duzma

    Duzma caeuq duzmeuz doxdoih youq ranz ndeu,hoeng song duz neix aemj doxdoiq nauq,duzma cungj siengj haeb duzmeuz,duzmeuz cij ndaej ndoj youq gwnzranz.

    Miz ngoenz ndeu,duzmeuz laihnaeuz duzma bae lauh gvaq ,de cix roengz gwnzranz daeuj gwn ngaiz,hoeng de gwn haeux daengz donh,lwgfwt,duzma ok baihlaeng buet gvaq daeuj,ak bak lauxdengzdengz---haeb coq! Duzmeuz ga raek lo.

    Daj seizde hwnj,duzmeuz byaij roen cix ndiengqgadgad lo.

    Bouxcawj rox liux cix guh gaiq dwngx ndeu hawj duzmeuz,hauhneix duzmeuz byaij roen cix lai ngaih di lo.

    Duzma hix deng bouxcawj ndaq ,bouxcawj naeuz duzma:langh mwngz haeb duzmeuz dem,mwngz cix deng gaj bae,rox le?!

    Hauhneix,duzma cix aemj gamj haeb duzmeuz lo.

    Gvaq ndaej gaxlai nanz liux,duzma lumz bae dwg de haeb duzmeuz baenz hauhde lo,de raen duzmeuz ngoenzngoenz gaemh gaiq dwngx ndeu baebae daeujdaeuj,dungx gig aemj soeng,ngeix naeuz:Vihmaz duzmeuz miz gaiq dwngx ndeu dawz,gou dauq aemj miz ne?De bingh gijmaz miz aen gienhleih neix?Fapdwd doenghduz naeuz:duzduz miz daeuj cix bingzdaengj,vihmaz de miz gienhleih gag?Gijneix aemj bingzdaengj!Aemj bingzdaengj!

    Hauhneix,de ngoenz ngoenz nauhmbutmbut,damzbyoedbyoed,ngeix naeuz swhgeij vi lai,bouxcawj aemj gyaez de,cij maij duzmeuz.De dazsing rauq ha rauq,bouxcawj fug lo,hix guh gaiq dwngx ndeu hawj duzma.

    Duzma riuhehe,angqrotrot,damz naeuz:hauhneix het goengbingz ma !