|
这是一封给刘敬柳先生的信 Liuz Gingliuj sienseng: Mwngz ndei ! Moengqgonq youq <samnyiedsam> banj Sawcuengh doeg gvaq gij cozbinj mwngz; Ceiqgaenh caiq youq <caisen Bouxcuengh > doeg daengz bien faenzcieng gaisau mwngz, doiq gij cingsaenz mwngz gou gig boiqfug . Gou dwg Bouxcuengh, vunz Vujmingz . Guh gvaq 14 bi cunghyoz lauxsae le, diuh daeuj Gvangjsih Yinzminz Gvangjbo Dendaiz guh gij hong Vahcuengh gvangjbo . Gvaqlaeng caiq giem guh Gvangjsih Densidaiz sinhvwnz cezmuz Vahcuengh. Doiqyouh( 退休 ) le, caiq caeuq Gvangjsih Densidaiz guh banj Vahcuengh densi lenzsuzgi 《射雕英雄传》 caeuq 《水浒传》 . Seizneix, aen yozyen sou hai ban sonhag Sawcuengh, neix doiq Bouxcuengh raeuz, dwg gienh daih saehndei ndeu, gou docih sou , hix cihciz sou. Guh gvaq 10 geij bi lauxsae, guh gvaq Vahcuengh gvangjbo caeuq densi 17 bi , youq sonhag Sawcuengh caeuq yungh Sawcuengh fuengmienh, gou miz haujlai siengjfap, yaek daez okdaeuj caeuq mwngz siengliengz, mbouj rox mwngz ndaejhoengq dingq lwi? Danghnaeuz ndaej, mwngz seizlawz daeuj Mamzningz, menhcij caeuq mwngz gangj baez goj ndeu. Danghnaeuz mbouj ndaejhoengq, couh mbouj gaujcauj mwngz la. Hoh mwngz cietciengh gvaq ndaej yinxdaeuz, vuenheij sim`angq !
Goengloeg (13077773690) 2009.1.25 |
发表于 2009-1-25 17:27:00