|
Ciepswnj Vwnzva Bouxcuengh Ungganq Bouxsij Sawcuengh 传承壮族文化 培养壮文作者 ——Doz Yawj Gvangjsih Gaiq Daihhaj Sawcuengh Sejcoz Beizyinbanh 广西第五届壮文写作培训班活动掠影 ◆Dahnaz Bet nyied rumz sangj mbwn cingxgvengq Lwgmbauq sauq lengj comz Nanzningz Lauxsae gangj goq coenzcoenz dingq Geiq maenh ndawsim ciuh mbouj lumz 8 nyied 19 hauh, Gvangjsih Gaiq Daihhaj Sawcuengh Sejcoz Beizyinbanh hwnjdangz sat le, gyoengq yozyenz cungj angqfwngfwng eu fwen hwnjdaeuj. Gaiq sejcoz beizyinbanh neix miz geij diemj caeuq seiq gaiq gonq mbouj doxdoengz: It dwg vunz camgya lai, miz samcib lai boux vunz camgya; ngeih dwg lauxcoz cungj miz, boux ceiq geq yaek miz 60 bi, boux ceiq nomj ngamq miz 22 bi; sam dwg yozyenz daj gak hangznieb daeuj, miz gihgvanh ganbu、 meizdij benhciz、 hagdangz lauxsae、 nungzminz caeuq boux yenzgiuswngh、 daihhagseng lij youq hagdangz doegsaw haenx; seiq dwg lauxsae gangj goq neiyungz eiq laeg engq moqsak, mizyinx raixcaix. Gvangjsih Cozhez fucujsiz Vangz Beivaz、 Cunghyangh Minzcuz Fanhyizgiz yizsinj Gvanh Swgingh daengj gangj goq nyinhcaen youh mizyinx, ndaej daengz gyoengq yozyenz bek fwngz haenh ndei. Gaiq sejcoz beizyinbanh neix, ceiq yinx lwgda vunz dwg Cungh Hihcwngh、 Se Ginhlungz doiq gvanbaz neix lo, aenvih gyaez Sawcuengh lai, songde yienfwngz byaij youq itheij. Ngoenznaengz song gvanbaz doxbang caez hag, sij baenz le haujlai bien faenzcieng, caemhcaiq ndaej daeng youq gwnz Gvangjsih Minzcuz Bau banj Sawcuengh caeuq Sam Nyied Sam cazci. Beizyin sat le, gyoengq yozyenz angqvauvau bae ngonzyawj le Nanzningz Veicanj Cunghsinh caeuq Yangzmeij Gujcin. Youq gwnz loh dauqma ranz, yozyenz Vwnh Siujbei caeuq Vangz Gozgvanh sim’angq dwk eu fwen hawj daihgya dingq. Singq dopfwngz yiengjroebroeb, hap doh ndaw ci, rwenz doh gyangmbwn……
Gwnzhoih sejzcoz beizyinbanh gaihmusi . 
Gvangjsih Cozhez fucujsiz Vangz Beivaz cingq gangj goq.
Gvangjsih Minzcuz Bau cungjbenh Banh Cauzyangz cingq hawj yozyenz gangj goq.
Sam Nyied Sam Cazci fucungjbenh Cinz Siengzcouh cingq gangj goq.
Cunghyangh Minzcuz Fanhyizgiz yizsinj Gvanh Swgingh (bouxnaengh) goqyawz seizgan nyinhcaen gejdap gyoengq yozyenz daez ok gij vwndiz haenx.
 Gyoengq yozyenz youq gwnz dangz dingq goq mizyinx dangqmaz. 
Cungh Hihcwngh Se Ginhlungz song gvanbaz daeuj camgya beizyinbanh hagsib .
 Yozyenz youq seiz roengzdangz lij nyinhcaen un saw.
Yozyenz Vangz Gozgvanh youq gwnz ci eu Fwenliuz Bingzgoj hawj daihgya dingq.
Youq Yangzmeij Gujcin canhgvanh hab'ingj louzniemh.
|
发表于 2010-8-25 13:28:00
发表于 2010-8-25 22:27:00