Geiz Gvaeg Geiz Leix

                                 Dwk   Geiz  Gvaeg   Geiz  Leix 

                              （  围棋竞技的棋理）

       Dwk geiz gvaeg  ,yamqyam miz geiz leix . Geiz leix miz song coij , coij ndeu heuh saw leix  ,coij ndeu heuh hingz leix.

      Doengh yamq byaij mbouj ndei sawj buenz geiz ngaiz saw ,heuh yamq saw ,doengh yamqsaw gij leix gyoeb baenz sawleix ,aeu ' S  ' guh geiq

      Doengh yamq byaij ndaej  hingz heuh yamqhingz ,  doengh yamq hingz gij leixdauh  gyoeb baenz hingzleix  aeu ' H ' guh geiq .

       Sawleix  caeuq hingz leix dwg boux dwkgeiz aeu seizseiz  geiq baenz seiq daengz dai !

       Geiz gvaeg Sawleix miz : 

      1 : Doengh yamq ciemq mbouj deng vih , sawj daengx gyoengq geiz ngaiz gvaeg dai !

      2 : Doengh yamq dox lienz dox dam  mbouj ndei ,ngaiz cung  raek gat gyeh .

      3 : Doengh yamq ok gyaeuj mbouj rengz ,aen gyaeuj ngaiz naenx  sawj daengx gyoengq mbouj ndaej doengh danh ,mbe fat guh  mbouj bae .

      4: Diuz rieng  lienz dam mbouj ndei ngaiz  gat gwn .

      5 : Baenz diuz geiz sanq luenh ,guh mbouj ok song ceh da ,mbouj miz goekgoenq ,yamq yam byaij mbouj miz rengz  ,byaij mbouj deng da vih  ! Diuz geiz mbouj an onj couh yungz heih ngaiz gvaeg dai ! 

       6 : Byaij geiz mbouj yungh uk ,mbouj suenq bouh soq ,mbouj aeu  geiz leix dag yawj , laep da bae byaij couh yungz heih ok yamq saw !

      Dwk  geiz gvaeg hingz leix gig lai , byaij ndaej ndei ,byaij ndaej mbouj miz  loek couh hingz . Aeu guh ndei byaij ndaej ndei ,byaij  mbouj loek ,couh aeu raeuz lai lai cungj gez geiq dai yamq geiz saw , suenq geiz seiz lai suenq  geij giz geij yamq ,dawz  yamq saw cawz bae ,caenh byaij yamq ndei yamq akq yamq hingz ,dwk geiz couh ndaej hingz lailai !