Lau Rangz Nanz Baenz Faex 就怕竹笋难成材
Sai awz boi cix nyangz laeuj Bak loh miz mauxdan
Dawz haeux cix nyangz bya Duj dam duj hai lengj
Raen nuengx gvaq neix ma Mauxdan yienznaeuz siengq
Raen va cix nyangz fungh Mbouj beij nuengx nyaenx ndei
Sau:Aeu saeng bae dangj rumz
Mwngz gangj caemz guh yaeuh
Aeu mbok gyang coux haeux
Song gyaeuj roh baenz hoeng
Saiujduj va miz sim
Coenzcoenz vah ndaw dungx
Roegvuengz siengj aeu fungh
Yawz gamj loengh vahriu
Sau:Bak bit bak lingzleih
Bak beix coenzcoenz van
Dingqnyi beix coenz han
Gwn raemx hamz caemh feih
Sai:Va ndei rox gag hai
Mbouj geuz caiz hix lengj
Nuengx gvai fwen rox ciengq
Mbouj yungh hemq gag eu
Sau:Cin daengz va cix mwn
Fwn gvaq mbwn cix rongh
Gizgiz miz va ndongq
Yawz duengh nuengx boux ndeu
Sai:Raen nuengx haumbupmbup
Lumj dungx goep ndaw naz
Raen nuengx lengj baenz va
Siengj aeu ma guh maex
Sau:Raen beix coekngoetngoet
Lumj go'ndoek hwnj rangz
Siengj aeu ma guh hanz
Lau lij nanz baenz faex
Sai Beix mbouj rox caux gim
Dan rox ndaem naz haeux
Haethaemh cungj gaenx raeuh
Gwndaenj mbouj yungh you
Sau:Vamauxdan mbouj mak
Uengjfeiq cap lajmbwn
Bouxsai mbouj ra ngaenz
Uengj guh vunz gvaq ciuh
Sai:Siengj nuengx siengj uk in
Baenz hwnz ninz mbouj net
Ciuq gingq raen naj beg
Sim gag get gag semz
Sau:Seizneix cwngcwz ndei
Baenzmeiz naj cix rongh
Cingj beix dingq vah nuengx
Hab bongh bae fatcaiz
Sai:Nuengx dwg vasigloux
Beix dwg ngaeux ndaw daemz
Dangh ndaej doxcaemh ndaem
Caez ra ngaenz baenzfouq
Sau:Cim ndeu nanz baenz va
Sa ndeu nanz baenz baengz
Miz sim caj beix mwngz
Baenzfouq daengz caiq gangj |
发表于 2004-3-23 16:36:00
发表于 2004-3-23 16:57:00