|
Mak Moed
Go Makmoed dwg diegcuengh raeuz go mak guh yw ndeu ,moix bi caet bet yied faenh , raeuz couh ndaej miz Mak moed gwn lo ! Go Mak moed ,baenz go cungj dij bauj .,goenq ,naeng ,mbaw ,mak ,naeng mak ,ceh mak cungj ndaej guh yw , cien monz yw boux vunz ndaw dungx gak aen daepdungx yaxsij gij bingh , daeg bied dwg ceh mak moed ,ndaej yw fuengz boux vunz bak bingh ,gig di bauj ! Vunz raeuz gwn mak moed ,mbouj ndaej dawz gij ceh de gveng bae ,aeu louz rak hawq cuengq ndei ! Gou seiz neix couh ciuq laux riengz son vunz louz baenz aeu ceh mak moed yw bingh fuengz bingh ! Ceh mak moed : saek eu , gwn roengz vunz dungx ndaej bouj mbei , ndaej sawj aen mbei raeuz hung rongh ,mbei raemx cungj . Vunz raeuz aen mbei dwg fuengz bingh ,gaj dai ndaw dungx gak yiengh bingh doeg ,baiz cawz bingh doeg aen cungj buq , aen mbei raeuz yied haemz yied ndaenq ,boux vunz aen ndang fuengz bingh doeg ,baiz cawz bingh doeg engq yied ak ! Vunz raeuz mbei raemx cuk couh ndaej hen hoh aen dungx gak aen daepdungx yax sij mienx ngaiz bingh doeg haeuj ndang ! Baenz lawz gwn ceh mak moed : Boux lau haemz couh gyan baenz ceh roengz hoz ,it ngoenz it mbat gwn haj - cib ceh . Boux mbouj lau haemz ,geux mienz menh ndwnj roengz bae ! Ceh mak moed ,dij gvaq gim ,gwnz roengz dungx, fuengz bak bingh ! lwg nyez daj sam bi couh aeu son gwn ,bibi gwn it mbat ,boux vunz aen ndang couh gig noix ngaiz fat bingh ! [IMG]http://我的文档\My Pictures\新建文件夹 | 
发表于 2011-7-17 18:14:00
Go makmoed baenzlai dijbauj ha, gou maj baenz laux lo, cungj mij haeujsim de. Hoeng gou bonjfaenh mij gyaez gwn makmoed geijlai, miz diq soemj miz diq haemz, hwhw~. Gwn lai rox roengzsiq, lij iq seiz deng gvaq.. dwglau..Go mak neix baenz yw dwg caen..