计划生育就是好！（壮话快板）

壮话快板

           计划生育Couh Deng Ndei

Haemhneix vunz cin(caen) lai,

Daihgya daeuj angqyangh.

Caicangz guh daizfwen,

Gou siengj dwen(lwnh) “Giswnh”.

“Giswnh” raeuz laeg lumz,

Nen gihbwnj(gaenbonj) gozcwz.

Lohloh aeu nawh coq saem,

Cawzcawz aeu naem coq dungx.

Conhgyah goj aeu naeuz,

Vunz raeuz aeu senhconz:

Laeg luenh aeu lwg lai,

Lwg lai dai bohmeh.

Daih’it hoj gaiqgwn,

Daihngeih gungz gaiqyungh.

Hanh dumh buh dumh ndang,

Dang dai ndij lwg gaeuq.

Nawh mwh lwg lij iq,

Lau lwg iq lwg nyaeu,

Duix haeux bwnq gij huiz,

Hwnz cuih swiz gij dauq.

Hoemj lau lwg moen caw,

Hai lau lwg mij ngawh(ndaek).

Lwg faenhwnz loq riu,

Meh goj riu coh lwg.

Rup(lumh) lwg baez dam baez,

Gyaez lwg dauq dam dauq.

Soengq lwg bae ranzsaw,

Soengq haeuj cou haeuj hag.

Dag lwg bi’ndwen sang,

Youh baenz cang ranz deq.

Bi’ndwen geq myaizmyaiz,

Caeuz ngaiz lij gag ra,

Mou ma lij gag baeq.

Aen gyae mij cej gwn,

Lajmbwn bohmeh nanz.

Lwg lai son mbouj daengz,

Ngaenzcienz guq(goq) mbouj doh.

Lohloh goj deq raz gwn,

Lohloh(faenfaen) goj deq raz yungh.

Go naeuz deng go haeng,

Nuengx naeuz deng nuengx yax.

Dawz cax banh gyang haw,

Haeuj cou bae guhraeg(caeg).

Raeg ndaej saek it(di) cienz,

Roengzrengz bae dungxduj(doxdoj).

Baih aen ranz liuxsae(saw),

Baih aen vae(singq) liuxseuq.

Caiq dwen daengz lwgmbwk,

Lwgmbwk youh lau lwya,

Ndongqda deuz bohmeh.

Ciengx laux cix vangzbwnj(lumzgoek),

Cunz mbanj bae ra gvan,

Banh biengz bae ra baeuq.

Deq cienz caeuzbaeuq gwn,

Deq cienz bouxsai yungh.

Danh daehdungh rim cienz.

Gai ndang bengz ndanggaeuq(bonjfaenh).

Roxndeq vaih ciuhvunz,

Daej da gumz da loq.

Doqloh(doloz) vunz lozva,

Ra bouxlawz daeuj gaeuq ?

Caiq dwen daengz ndaej baex(bawx),

Dwglaex raz deq gwn.

Gwnzmbwn baen mij remz,

Miz bouxbengz bouxcienh.

Da lienh raen raz geq,

Lau ajbak deq gwn,

Raz ndwn naeuz raz naengh.

Aencaengh laej gyeh dvaz(doz),

Aeu raz guh vunzhoiq.

Rang douh naeuz caz ndongj,

Cawj ruengx naeuz caz fwet(saep).

Ngoenz buet gwnz buet laj.

Miuz gyaj de mij doek,

Miuz loeg de mij dauq.

Banx mbauq guh lozva,

Naj ma de mij guq.

Duix soemh(uq) meh gag raq,

Vaq wngx(uek) baeuq gag hoemj（saeg）.

Biuz ndoep daengz dij gang,

Cax van goj daeuj naex(myaex),

Naeuz aeu baex(bawx) lai ndei

Cizseiq(saedsaeh) dai bohmeh.

Lwg lai nanz caemh saem,

Guhlawz gaem ndaej cingq?

Mawh(seiz)neix dangj haucauh,

Myaej caux aeu lwg lai.

Vunz gvai gag roxndeq,

Swnhyuz aeu gungci,

Lohloh ndaej lij leih.

Ajeiq guh swnhcanj,

Ranzranz ndaej fuyi.

Vax cix aeu lwg lai,

Haih dai raeuz bohmeh,

Raeuz bohmeh.                                                （根据几年前的光碟记录整理）

[em60][em60]

不是支持计划生育，二是支持贝侬用壮文创作！

壮族的语言文字只有和颂歌;计生一起才能有点上台露脸的机会,不然就难.

理解万岁！

本人正是因为担心被误会为“计生”唱赞歌而遭拍砖，所以整理出来近一年了也不敢上传。

只是挺赏识原作者的创作，最终还是决定“帖”出，让各位贝侬共赏。