|
|
本帖最后由 tengweichan 于 2013-1-20 19:09 编辑
Nienz samsib gyanghaet,gou caeuxcaeux couh bae daengz hawciengz yaek cawx duz gaeqdoj he ma gaj gvaq cieng.Caeux couh dingqnyi vunz gangj:"Yaek cawx ndaej gaeqdoj,it aeu bae ndaej caeux,aenvih
vunzlajmbanj daeuj ganjhaw caeux,bae laeng lo vunz cungj ciengj sat lo;ngeih aeu yawj bouxgaigaeq,itbuen cungj dwg boux vunzlaux daeuj gai gaeqdoj,de cihgeij ciengx geij duz gaeq gwn mbouj sat,couh aeu daeuj vuenhngaenz sawj."
Gou daj hawgyaeuj byaij daengz hawcaenh,sien dawz bouxgaigaeq caeuq gij gaeq ndaw loengq cimyawj baez he,couh dawz muzbyauh suj youq boux vunzlaux he.Cij raen de daenj geu buh gaeuqgat,lij miz di lawz,lumj swiq mbouj seuq neix,naj de deng rumzdoeng ci ndaej nyaeuqnyaujnyauj,ndaemnadnad,bwn'gyaeuj yungqyat lumj coengzlaiz caengz roi gvaq,din daenj haizgaijfang,lij nem miz boengz saensien,cit diuz ien gag gienj,baez yawj couh rox dwg bouxlajmbanj.Caiq yawj ndaw loengqgaeq de,ngamq miz song duz gaeqhangh,gou sim naemj:Neix wnggai dwg gaeqdoj ba?"Gou doq naemj doq gyavaiq dinyamq byaij
gvaqbae,lauheiq duz gaeqdoj deng vunz sien cawx bae.Hoeng,gou ganj mbouj gib lo,cingq ngamq seizneix miz boux vunz he gvaqdaeuj dawz song duz gaeqhangh cungj cawx liux lo.Gou cingq gag sen,ienq
cihgeij mbouj byaij vaiq di,hawj duz gaeqdoj yaek daengz fwngz neix duet ok raiq bae.
Couh youq seizneix,gienh saeh hawj mwngz siengj mbouj daengz haenx fatseng lo. Mwngz cai dwg gijmaz? Boux vunzlaux gaigaeq haenx riunyumnyum dwk geq cienz,geq sat lo,couh dawz aen loengqgaeq riuj gvaq dan buenqgaeq daeuj,daj ndaw gaeq gueng swzliu haenx genj ok sam duz maj ndaej mbouj dwg daiq biz daiq hung haenx cuengq haeuj loengq de bae,youh ma daengz gij dieggai de,dawz gaeqswzliu dangguh gaeqdoj daeuj gai hawj vunz.
Ndaek fangzraq neix,caeklaiq deng gou fatyienh ndaej caeux,mbouj ne,gou ngoenzneix couh cawx dwg gaeqswzliu bengz lo.
|
|
发表于 2013-1-20 17:45:47
土鸡。。。。
写壮文章总会有这样或那样的问题，各位在提出意见的时候，不防自己也亲自尝试，你就会体会到了，像那种“巧妇难为无米之炊”的感觉。
