[原创]Vunz Raeuz Aeu Rox Dox Bang !

Ayingj · *发表于* 2004-8-5 11:30:00

Vunzcuengh raeuz mbouj dwg
mbouj haengj dox bang , dwg mbouj rox dox
bang !

Daj miz vunzcuengh raeuz ,Beinuengx dox
bang couh dwg vunzraeuz it cungj gihbwnj
sujsiz hingzsik ,danh dwg cungj hingzsik neix
fatcienq roengzbae couh dwg ndaej dawz
vunzcuengh guh  baenz aen mbanj hung ,aen
mbanj hung miz geij cien vunz ,aen mbanj iq
miz geij bak vunz, vunz raeuz youq laj mbanj
dox bang guh gwn guh youq guh caemz guh
lienh guh daenj guh angq guh heiq guh fwen !
Vunz sai vunz baz gwnz congz dox
gyawx ! Seng lwg seng lan !

   Danh dwg, Beixnuengx dox bang cungj
hingzsik haenx  gij leih  gig gaeb ,guh mbouj
ndaej louzsang, guh mbouj ndaej guek
gya,guh mbouj ndaej laj mbwn !

Miz gij maz banfap dawz  vunz cuengh
raeuz gij rengz doxcop hwnj daeuj ,itj heij
sawj yungh, sawj vunz raeuz bouxboux ndaej
miz hong guh,ndaej miz gwn daenj ,guh gij
hong miz gyaciz ,couh ndaej hwngvuengh
vunzraeuz ne ?-----Gij ban fap haenx couh
dwg aeu miz Vunzak Vunz cing lingjdauj
sujsiz gihgouq !----- Couh dwg miz aen gih
gouq senj aen minzcuz de boux ceiq miz
cihsiz ceiq miz bonj saeh ,youh ceiq ndaej
daibyauj vunzraeuz boux haenx  guh
bouxdaeuz raeuz ,daiq yinx vunzraeuz  bae
guh hong cwngqciq raeuz ! hong ginghsiq
raeuz ! hong vwnzvaq raeuz ! dwk hoenx  giz
lawz souj giz lawz vunzraeuz bouxboux cungj
aeu rox cingcuj !


               A.cauyingj.Vangz

红水河畔 · *发表于* 2004-8-5 13:25:00

Vunzcuengh raeuz mbouj mai doxbang,bouxgun ne?

Ayingj · *发表于* 2004-8-10 22:50:00

Vunz gun mbouj danh rox doxbang ,lij rox dox gaep yungh gij vwnzvaq de daeuj bauveiz caeuq ap bik Bouxcuengh, hawj vunzcuengh riengz de byaij, hawj bouxcuengh mbouj sawj yungh Sawcuengh ma gag fatdad bonj faenh, hawj vunzcuengh bienq vunz gun ! hawj vunzcuengh bienq vunz ngawz !

[原创]Vunz Raeuz Aeu Rox Dox Bang !

回复

浏览过的版块

关于我们

快捷入口