[转帖]Nyaenma Gai Baengzyoux

ndwen · *发表于* 2004-9-24 13:43:00

1.Nyaenma caeuq moulwg dwg baengzyoux, songde diengzseiz youq itheij guhcaemz.

2.Ngoenz ndeu, nyaenma deng duzsaeceij gaemh dawz lo, de lau dwk daengx ndang senzdedded.

3.Nyaenma gouz naeuz:"Daihvuengz, gou daiq byom mboujmiz noh, mwngz cuengq gou ba, gou bae gaeb moulwg daeuj hawj mwngz." Duzsaeceij doengzeiq lo.

4. Nyaenma ra raen moulwg naeuz:" Saeceij mbouj gwn noh , mwngz yawj de cuengq gou lo!"Moulwg saenq lo.

5.Moulwg doek roengz ndaw aen gumz laeg nyaenma nda haenx bae.

6.Nyaenma bungj saeceij naeuz:"Gou gaenq gaeb dawz duzmou hawj daihvuengz lo."

7.Saeceij yawj moulwg buet deuz mbuj ndaej lo, couh sien gaemh dawz nyaenma, naeuz:"Gou ceiq haemz duzmwngz gai baengzyoux neix lo." Gangj sat couh dawz nyaenma sik baenz gaiq gwn bae.

Ayingj · *发表于* 2004-9-24 16:56:00

Haih baengz youx youh haih bonj faenh ,

Duz nyaenma sim baenz neix nduk ?

Duhhenj · *发表于* 2004-9-24 22:15:00

Aen gojneix baez yawj roengzbae couh rox daengz dwg daj Sawgun hoiz okdaeuj, gou sawq gaij baez he,hawj de lai lumj Vahdoj di.

1.Duz nyaenma caeuq duz moulwg dwg hujgeiq ndei, songde dajiq haengj doxcaeuq guhcaemz

2.Miz ngoenz he, duz nyaenma deng duzsaeceij gaemh dawz bae lo, duz de lau dwk daengxndang saenzdedded bae!

3.Duz nyaenma gouz naeuz:"Daihvuengz, gou daih byom lai mboujmiz noh, mwngz cuengq gou , gou bae gaeb duz moulwg daeuj hawj mwngz." Duzsaeceij doq hanbak suengq de.

4. Duz nyaenma ra raen duz moulwg naeuz:" duz saeceij mbouj gwn noh ne, mwngz yawj de cuengq gou ma lo!" duz moulwg doq saenq caez.

5.Duz moulwg doek roengz ndaw gumz laeg duz nyaenma nda haenx bae.

6.Duz nyaenma bungj(奉承） duz saeceij naeuz:"Gou gaenq gaeb dawz duzmou hawj daihvuengz lo."

7.Duz saeceij raen duz moulwg buet deuz mbuj ndaej lo, couh sien gaemh dawz duz nyaenma, naeuz:"Gou ceiq haemz duzmwngz gai baengzyoux neix lo." Gangj sat le doq dawz duz nyaenma sik baenz gaiq gwn bae.

gaij mbouj lai,hoeng gag raenz lai ndei hauhlai(改得不多，但自我感觉好多的）

闻多 · *发表于* 2004-9-24 22:53:00

ndwen youq gijlawz baenq fuk dieb neix daeuj ni? duhhenj gaij gvaq leux ndei haujlai lo.

Stoneman · *发表于* 2004-9-25 01:42:00

Gou hix roxnyinh Duhhenj gaij ndaej ndei, doeg hwnjdaeuj swnh bak haujlai.

ndwen · *发表于* 2004-9-25 12:17:00

以下是引用闻多在2004-9-24 22:53:12的发言： ndwen youq gijlawz baenq fuk dieb neix daeuj ni? duhhenj gaij gvaq leux ndei haujlai lo.

从97年12月24号的广西民族报上抄的

[此贴子已经被作者于2004-10-9 12:37:27编辑过]

特田栏钟 · *发表于* 2004-12-23 20:04:00

Gou bi'bi cungj dinghyawj SAM NYIED SAM banj Sawcuengh caeuq Gvangjsih Minzcuz Bau, ndaw de miz mbouj noix vwnzcangh lumj cit goj baihgwnz neix nei, mbouj Gun mbouj Cuengh, mbouj yangz mbouj doj, hawj mwngz yawj le mbouj cwxcaih saek di. Mbwq! Cit!!

[转帖]Nyaenma Gai Baengzyoux

回复

浏览过的版块

关于我们

快捷入口