[原创] CET YOUZ DIEGCUENGH

AAAAAyingj · *发表于* 2005-2-2 13:23:00

Cet youz dieg cuengh Boengzciengz--Youjyizgvanh---Bujsaiq
                                       ( 3)
Yaek daengz Youjyizgvanh seiz , miz diuz roen biek gvaq baih gvaz baez, diuz roen haenx couh dwg bae Bujsaiq . Hoeng raeuz sien bae gung dwk Youjyiz Gvanh, ma le caiq bae Bujsaiq youz .
   Liz yaek daengz Youjyiz Gvanh 500mij baenz neix ,cingq caih guh laeb aen moh fanhvunz ndeu , aen moh haenx dwg vih liux geiq niemh  Cinqnamz Gvanh( Couh dwg seizneix aenYoujyizGvanh ) daih cienq ndaw de ngaiz Bing Guekfap dwk dai  gyoengq  Cingciuz bingguen haenx ! Aen vih mbouj caengz guh ndaej ,raeuz roengz ci ok goeng youh le  ,couh coh hwnj gwnz Gvan bae . Ciuq gou rox ,Cungguek cingciuz caeuq  bingmax Guekfap youq Cinqnamz Gvanh dox dwk ,Guek fap ngamq miz cien bing gung gvan , Cungguek miz Sam fanh lai bing souj gvan ,ciengz ciengq haenx Guekfap bing max dox gaep gung dwk gig ak ,bing lienh ndaej ndei ,cungq dwk ndaej cinj ,bau hix maenh ,bing caeuq bauq dox gaep ndaej ndei ,yienznaeuz dai yaek liux ,hoeng ,Cing bing ngaiz dai fanh geij ,suenq hwnj daeuj lij dwg Guekfap hingz , Cingciuz bauj ndaej aen gvan ,hoeng ,dai bing beij Guek fap lai baenz  cib boix ,vunz Cungguek hoenx ciengq gung souj mbouj ak ,vunz ngawz, dwg cienz ok daengx seiq gyaiq ,caux baenz cing ciuz mbouj duenh ngaiz vunz vaih guek haep hangz gung dwk ! Bouxcuengh raeuz daj ciengz ciengq haenx hwnj ,couh rox [Gung , Souj ] vwnz vaq dwg geij lai youq gaenj ,dwg Vunzcuengh raeuz daih daih aeu cienz ,aeuh ngvanh ,aeu hag yiengh youq gaenj hong saeh vwnzva ndeu ! [ Gung Souj ] vwnz va dwg hwng ak aen minzcuz raeuz ,hwng ak aen guek raeuz hangh vwnzva ceiq youq gaenj ndeu ! Guh gij maz hong saeh ,dwg gung dwg souj cungj aeu ngvanh youq dangq naj ,baenz lawz gung ,baenz lawz souj cungj aeu suenq laeg suenq muenx suenq gyaeu ndei !
   Hei hei ! Gung dwk hwnj gvan bae !

Stoneman · *发表于* 2005-2-3 04:22:00

Ayingj, mwngz it mienh youz it mienh naemj, mwngz sij ndaej haemq ndei.

Vih hawj vunzlai rox youz lawz, ceiq ndei mwngz gya gij soq youq ndaw daezmoeg bae, lumjbaenz:

[原创] CET YOUZ DIEGCUENGH (1)

[原创] CET YOUZ DIEGCUENGH (2)

[原创] CET YOUZ DIEGCUENGH (3)

......

[原创] CET YOUZ DIEGCUENGH

回复

浏览过的版块

关于我们

快捷入口